Një delegacion i Rijasetit të Bashkësisë Islame në Serbi, në krye me zëvendës/reisin Myftiun Nexhmedin ef. Saqipi, vizituan Ambasadën e Katarit të akredituar në Beograd, të cilët i priti zyrtarisht shkëlqesia Ambasadori Faris Al-Naimi.

Gjatë takimit zv/Reisi Saqipi e njoftoi Ambasadorin Faris Al-Naimi për zhvillimet fetare në Serbi dhe në Luginë të Preshevës, për sfidat dhe të arriturat e këtij institucioni të lartë fetar në shkallë republike.

Gjithashtu, gjatë këtij takimi Ambasadori Faris Al-Naimi, u nda i kënaqur nga vizita e delegacionit, duke shprehur gatishmërin e tij që së shpejti të vizitoj Luginën e Preshevës, për të shikuar mundësinë e realizimit të projekteve me rëndësi për popullatën e këtij rajoni.