Zgjerohet koalicioni në Preshevë, bashkangjitet UDSH

Koalicionit qeverisës në Preshevë të arritur ditë më parë midis Partisë për Veprim Demokratik dhe Partisë Demokratike Shqiptare, sot iu është bashkangjitur edhe Unioni Demokratik Shqiptar.

Kryetarja në ardhje e komunës, Ardita Sinani, kështu e ka komentuar zgjerimin e koalicionit:

Sot, bashkë me Kryetarin e PDSH, Ragmi Mustafa, nënshkruam aneks Marrëveshjen e koalicionit me Kryetarin e UDSH-së, Naser Aziri.

Komunës së Preshevës i nevojitet qeverisje e fortë, e mirë dhe stabile e cila u shërben qytetarëve.

Bashkangjitja e UDSH-së në këtë rrugëtim, është thelbësore për arritjen e këtij qëllimi të përbashkët.