Ramadani: Të kthehen në punë policët e suspenduar

Kryetari i Kuvendit Komunal të Bujanocit, Enver Ramadani, e ka quajtur të papranueshme suspendimin e 4 policëve shqiptarë nga stacioni policor në Bujanoc.

Në reagimin e tij, Ramadani, përveç se ka kërkuar kthimin e policëve në punë, ka kërkuar edhe rishikimin e strukturës së policisë lokale.

Madje, Ramadani ka kërkuar edhe involvimin e OSBE-së në këtë proces.

Reagimi i Ramadanit:

TË KTHEHEN NË PUNË POLICËT E SUSPENDUAR, PABARAZIA NË STACIONIN POLICOR I PAPRANUESHËM

Si pasojë e një klime ksenofobe e sistematike e institucioneve të sigurisë është i pa pranueshëm edhe suspendimi I 4 policeve shqiptar nga stacioni policor në Komunën e Bujanocit.

Veprimet e tilla nga drejtuesit e stacionit policor në Bujanoc ndikon drejtpërdrejtë edhe ne sigurinë e përgjithshme duke humbur edhe atë pak besim në këtë institucion I cili ka krijuar pabarazi në përfshirjen e drejt të pjesëtarëve nga gjitha bashkësitë etnike.

Në cilësinë e kryetarit të Kuvendit Komunal do të ushtrojë kompetencat dhe autorizimet ligjore për të iniciuar transparencë e llogaridhënie të stacionit policor në Bujanoc.

Andaj kërkoj nga stacioni policor të ndërpres qasjen e diskriminimit ndaj policëve shqiptar edhe ashtu numrin e të cilëve e ka zvogëluar mjaft ndjeshëm po me të njëjtat arsyetime irracionale.

Njëkohësisht, ftoj bashkësinë ndërkombëtare në veçanti OSBE-në të bëjë vlerësimin e gjendjes në stacionin policor në Bujanoc dhe përfaqësimin e komuniteteve konform ligjeve në fuqi.

Gjithashtu konsideroj më se të nevojshme riaktualizimin e projektit të policisë multietnike dhe policisë në komunitet.
Krejt në fund, duke u bazuar në reputacionin e policëve të suspenduar kërkoj që kthehen sa më shpejt që është e mundur.