Në ambientet e Shkollës Fillore “Muharrem Kadriu” në Tërnoc, sot është mbajtur ceremonia e promovimit të librit të parë të nxënëses së klasës së 8
Në ambientet e Shkollës Fillore “Muharrem Kadriu” në Tërnoc, sot është mbajtur ceremonia e promovimit të librit të parë të nxënëses së klasës së 8-të, Bertina Aqifi, me titullin “Krahët e një udhëtimi”. Ky është një moment i veçantë jo vetëm për vetë autoren e re, por edhe për të gjithë komunitetin shkollor që e mbështeti këtë arritje të jashtëzakonshme.
Promovimi mblodhi së bashku nxënës, mësimdhënës, familjarë dhe përfaqësues të tjerë të komunitetit lokal, të cilët me entuziazëm ndoqën prezantimin e librit dhe përgëzuan Bertinën për kurajën dhe talentin e saj letrar.
Drejtoresha e shkollës, znj. Leonora Mehmeti, shprehu krenarinë për suksesin e Bertinës, duke theksuar rëndësinë e mbështetjes së talenteve të reja që shfaqen në shkollat tona. “Bertina është shembulli më i mirë se sa shumë mund të arrijë një nxënës kur ka pasion, përkushtim dhe mbështetje nga mësuesit e saj dhe familja,” tha ajo.
Libri “Krahët e një udhëtimi” sjell reflektime të thella dhe rrëfime të nga këndvështrimi poetik i një adoleshenteje.
Ky promovim shënon një hap të rëndësishëm në rrugëtimin e Bertinës në botën e letërsisë dhe është një frymëzim për të gjithë bashkëmoshatarët e saj që të ndjekin pasionet e tyre me guxim.
COMMENTS