Nis asfaltimi i shtresës së parë në rrugën Breznicë–Muhoc

Ka nisur asfaltimi i shtresës së parë në rrugën Breznicë–Muhoc, një nga projektet infrastrukturore më të rëndësishme për këtë pjesë të komunës së Bujanocit.

Lajmin e ka bërë të ditur kryetari i Komunës së Bujanocit, Arbër Pajaziti, i cili theksoi se punimet po zhvillohen me ritëm të mirë dhe se projekti po hyn në fazën përfundimtare.

“Sot ka filluar asfaltimi i shtresës së parë në rrugën Breznicë–Muhoc, një projekt i shumëpritur që po merr formë. Punimet po zhvillohen me ritëm të mirë dhe shumë shpejt kjo rrugë do t’u dorëzohet qytetarëve, duke lehtësuar lëvizjen dhe përmirësuar jetën e përditshme të banorëve”, ka shkruar Pajaziti.

Përfundimi i këtij projekti pritet të përmirësojë ndjeshëm infrastrukturën rrugore dhe të krijojë kushte më të mira për qarkullimin e banorëve të Breznicës, Muhocit dhe zonave përreth.