Kryetari i KK të Preshevës, Sami Salihu, pritet nga kryetari i Komisionit të Jashtëm Parlamentar të Kosovës

“Përfaqësues të Komunës së Preshevës në krye me kryetarin e kuvendit në Preshevë, z.Sami Salihu, u mirëpritën nga Deputeti i kuvendit të Republikës së Kosovës z. Haki Abazi, njëherit edhe Kryetar i komisionit të jashtëm parlamentar”, njofton faqja e komunës së Preshevës në Facebook.

“Takim bashkërendues patën edhe me kryetarin e Komunës së Shtimës Dr.Qemajl Aliu.
Në fokus të diskutimeve ishin preokupimet e qytetarëve të komunës së Preshevës;

Me përmbylljen e vizitave, u realizua takimi me komunitetin e biznesit në Kosovë”, thuhet në njoftim.