Komunalia zgjeron shërbimet, Letovica bëhet me grumbullim të rregullt të mbeturinave

Ndërmarrja Publike “Komunalia” në Bujanoc ka nënshkruar një marrëveshje me Bashkësinë Lokale të Letovicës për organizimin e shërbimit të grumbullimit të mbeturinave në këtë fshat.

Marrëveshja u firmos nga drejtori i NP “Komunalia”, Amir Xhaferi, dhe kryetari i Bashkësisë Lokale të Letovicës, Isuf Mustafa.

Sipas njoftimit të “Komunalisë”, shërbimi do të nisë së shpejti, me synim përmirësimin e pastërtisë së mjedisit dhe rritjen e cilësisë së shërbimeve komunale për banorët e Letovicës.

Nga kjo ndërmarrje kanë falënderuar Bashkësinë Lokale të Letovicës për bashkëpunimin dhe besimin e treguar, duke theksuar se zgjerimi i shërbimeve është pjesë e angazhimit për një mjedis më të pastër në territorin e komunës së Bujanocit.