Në Serbi sot hyjnë në fuqi masat e reja për parandalimin e përhapjes së koronavirusit. E veçanta është se nga ora 18:00 deri në 05:00 të mëngjesi
Në Serbi sot hyjnë në fuqi masat e reja për parandalimin e përhapjes së koronavirusit.
E veçanta është se nga ora 18:00 deri në 05:00 të mëngjesit ndalohet puna e objekteve hotelierike, si, restorantet, kafiteritë, hotelet, lokalet e natës, pastaj qendrat e fitnesit, bastoret, kazinotë, qendrat tregtare…
Lidhur me masat e reja qytetarët e komunës së Bujanocit i ka njoftuar edhe Shtabi lokal për situata të jashtëzakonshme:
Njoftim nga Shtabi për situata të jashtëzakonshme për masat e reja
Shtabi për situata të jashtëzakonshme në Bujanoc i njofton qytetarët se Qeveria e Republikës së Serbisë ka miratuar masa të reja për eliminimin e epidemisë së shkaktuar nga virusi COVID-19, zbatimi i të cilave fillon nga e marta, më 24 nëntor 2020.
Masat e reja kundër epidemisë janë:
– Shkurtimi i orarit të punës deri në ora 18:00 restoranteve, kafiterive, bareve, klubeve, bastoreve dhe qendrave tregtare.
– Përdorimi i obligueshëm dhe pa kusht i mbrojtjes personale (bartja e maskës mbrojtëse) në hapësirat e mbyllura, si dhe në ambiente të hapura në ato raste ku nuk mund të shmangen kontaktet me personat tjerë.
– Ndalimi i të gjitha tubimeve publike me prani të më shumë se 5 (pesë) personave në ambiente të mbyllura dhe të hapura. Nga kjo masë përjashtohen organizata punuese, entet shkollore, shitoret, qendrat tregtare dhe objektet e ngjajshme, për të cilat vlenë rregulli i paraparë mbi numrin e pranishëm të personave në çdo moment në raport me sipërfaqen e objektit (minimum 4m2 për person).
– T’iu mundësohet puna nga shtëpia të gjithë punonjësve në përputhje me procesin e punës.
– Kontrolli i përpiktë i obligimit të bartjes së maskës në automjetet e transportit publik, krahas përgjysmimit të numrit maksimal të udhëtarëve në automjet, nga kapaciteti i deklaruar i automjetit.
– Kontrolli i përpiktë i zbatimit të izolimit në shtëpi, karantinimit shtëpiak (vetizolimit) si dhe i të gjitha masave të tjera kundër epidemisë që janë në fuqi.
Masat e përmendura janë të afatizuara në periudhën prej 10 ditësh dhe do të rishqyrtohen në pajtim me situatën aktuale epidemiologjike.
Qeveria shfrytëzon edhe këtë rast që edhe njëherë t’i lus dhe fuqishëm të apelojë te qytetarët që të sillen me përgjegjësi ndaj vetes dhe bashkëqytetarëve të tjerë.
Të gjitha masat e miratuara kanë për qëllim ekskluzivisht ruajtjen e jetëve dhe shëndetit të qytetarëve
COMMENTS