Fejtoni: Një tregim serbo-shqiptar: Brenda një nate shpërthime në qendër të Bujanocit dhe Preshevës  (pjesa 25)  

Të mërkurën, më 21 qershor 2000, rreth orës 1:05 të mëngjesit, pranë murit të ndërtesës së komunës së Bujanocit, shpërthyen dy mjete shpërthyese me fuqi të madhe shkatërruese.  Si rezultat i shpërthimit, pjesëtari i policisë Sllobodan Mihajloviq pësoi lëndime të rënda, ndërsa dëmi i madh material u shkaktua në ndërtesë dhe makinat e parkuara.  Shpërthimi zgjoi dhe shqetësoi banorët e Bujanocit, prandaj shumë e pritën mëngjesin të zgjuar.  Pas atij të 25 shkurtit, ky ishte shpërthimi i dytë i kurdisur në zonën e qytetit të Bujanocit.

Vetëm një orë pas kësaj shpërthimi, një shpërthim i fortë zgjoi banorët e qendrës së ngushtë të Preshevës.  Pajisja shpërthyese, me fuqi të madhe shkatërruese, shkaktoi dëme të mëdha materiale në ndërtesën e Gjykatës Komunale.  Po atë natë, nën stolin ngjitur me ndërtesën e komunës së Preshevës, autoritetet hetuese gjetën një granatë që supozohej të shpërthente atë mëngjes në orën shtatë.  Falë ndërhyrjes së shpejtë të policisë, një shpërthim i ri në Preshevë u parandalua.

Serbët e fundit nga Maltërnoci u rrëmbyen

Në agim të 21 qershorit 2000, pjesëtarët e UÇPMB rrëmbyen banorët e vetëm serbë në fshatin  Maltërnoc, plakun Vlado Miletiq (1920) dhe vajzën e tij të pamartuar Persa (1945).  Gjatë hetimit, policia gjeti gjurmë gjaku dhe gëzhoja plumbash në disa vende të shtëpisë së tyre.  Trupat e tyre nuk u gjetën kurrë.

Në të njëjtën ditë, rreth 550 banorë të fshatit Maltërnoc, nga frika e hakmarrjes së policisë, lanë shtëpitë e tyre dhe ikën në Kosovë.  Tri ditë më vonë, disa prej tyre u kthyen, por takuan në fshat  një grup  policësh, të cilët i keqtrajtuan dhe i rrahën, dhe më pas i çuan në OPB të Bujanocit, ku ata dhanë deklarata për zhdukjen e Miletiqve.

Falë dëshmisë së njërës prej vajzave të Vlado Miletiq, e cila tha se ajo “nuk beson se babai dhe motra e saj u vranë nga fqinjët shqiptarë nga Maltërnoci, sepse ata vazhdimisht po i ndihmonin”, Avni dhe Sejdi Jakupi, Nexmedin Sopi dhe Shemsi Salihu u la të lirë të nesërmen.  I dyshuari i pestë, Halim Berisha, u transferua në burgun e Nishit.

Vijon…

Autor: Radoman Iriq

( Ky shkrim nuk paraqet qëndrinet e redaksisë së FOLonline)