Bujanoci mbulohet nga tymi dhe era e rëndë

Nëpër qytetin e Bujanocit për momentin po kalojnë re të dendura tymi ndërsa po dëgjohet edhe erë e rëndë zjarri.

E gjithë kjo për pasojë e djegies së deponisë së qytetit, flakët e së cilës e kanë përfshirë sonte në mbrëmje.

Nëpër qytet janë parë edhe ekipet e zjarrëfikësve të cilët janë nisur në vendin e ngjarjes për të shuar zjarrin.

Gjatë vitit, deponia është djegur për disa herë ndërsa ka dyshime se kjo bëhet me qëllim.

Deri më tash nuk ka ndonjë përgjegjës për vënien e qëllimshme të zjarrit.