Ambasadori i Zvicrës sot në Preshevë

Pas Bujanocit, ambasadori i Zvicrës në Serbi Urs Schmid sot ka qëndruar në Preshevë ku është takuar me kryetarin Shqiprim Arifi.

Pas takimit, Arifi u shpreh përmes një postimi në Facebook:

Sot, mirëprita në kabinet vizitën e Ambasadorit të Zvicrës në Beograd, z.Urs Schmid me delegacionin e tij.

Gatishmëria për të qenë pranë shqiptarëve në Luginë flet për marrëdhënien e shëndoshë mes shqiptarëve dhe shtetit zviceran.

Shpreha mirënjohje për interesimin në ditë të ndjeshme për Preshevën dhe e njoftova ambasadorin me gjendjen e përgjithshme aktuale të të gjithë sferave që na takojnë!

Për të rritur mundësinë e bashkëpunimit mes investitorëve shqiptarë që jetojnë në Zvicër, sugjerova që Ambasadori të takohet me Asociacionin e Bizneseve Shqiptare në Luginë, në mënyrë që të rrisim investimet në vend, me përkrahjen e Ambasadës së Zvicrës!