Shefi i Misionit të OSBE-sê në Serbi, Jan Brathu, ka qëndruar sot në Bujanoc ku ka takuar përfaqësuesit politik e institucional. Pas takimit, k
Shefi i Misionit të OSBE-sê në Serbi, Jan Brathu, ka qëndruar sot në Bujanoc ku ka takuar përfaqësuesit politik e institucional.
Pas takimit, kryetari i komunës së Bujanocit Nagip Arifi është shprehur përmes Facebookut:
“Sapo zhvillova një takim me shefin e OSBE-së në Serbi Jan Brathu, të cilin fillimisht e falemnderova për angazhimin dhe kontributin e tij rreth regjistrimit të popullësisë.
Diskutuam edhe mundësitë e daljes nga ngërrçi politik në Këshillin Kombëtar Shqiptar. E sigurova ambasadorin Brathu se Partia Demokratike do të jetë shumë konstruktive në zgjidhjen e këtij problemi dhe do të jetë bashkëpunuese deri në zgjidhje të këtij problemi.
Gjithashtu, folëm edhe për implementimin e planit 7 pikësh, i cili ka stagnuar së realizuari nga ana e Qeverisë së Serbisë.
Ambasadori Brathu shprehu gatishmërinë se do të shfrytëzojë të gjitha mekanizmat për të zgjidhur çështjen në KNSh, por edhe rreth implementimit të planit 7 pikësh”, ka shkruar Arifi.
Ndërkohë, përshtypjet nga takimi me ndjekësit në Facebook i ka ndarë edhe deputeti popullor Shaip Kamberi i cili takoi ambasadorin bashkë me kryetarin e KK të Bujanocit, Enver Ramadani dhe kryetarin e KKSH, Ragmi Mustafi
“Shefi i Misionit të OSBE, Ambasadori Jan Brathau, gjithmonë i interesuar për gjendjen në Luginë të Preshevës”, ka shkruar Kamberi.
COMMENTS