A do të zbuten masat nesër në Bujanoc?

Për ditën e nesërme është caktuar seanca e re e Shtabit për Situata të Jashtëzakonshme, raporton FOLonline.
Në këtë seancë, ndër të tjera është paraparë të shqyrtohet raporti i Shtëpisë së shëndetit dhe ai i Inspektoriatit Komunal.
Deri më tash nuk dihet se a do të zbuten masat kufizuese që janë në fuqi, sidomos ato rreth organizimit të tregjeve dhe orareve të punës në gastronomi dhe objektet hotielierike.
Komuna e Bujanocit Situatën e Jashtëzakonshme e ka shpallur më 17 korrik të këtij viti.
Të dhënat e fundit flasin se në këtë komunë është në rënie e sipër si numri i të prekurve me Covid ashtu edhe i atyre që kërkojnë tretman në ambulancën e hapur enkas gjatë kësaj pandemie.