I ❤ BU do të jetësohet së shpejti

Nisma e Nagip Tashit për vendosjen e një simboli i cili shpreh dashurinë për Bujanocin si duket do të jetësohet së shpejti.

Pas një sërë propozimesh se si do të dukej simboli, ishte ai i Agon Ademit që mori më tepër vëmendjen e publikut.

Ndryshe, Agoni është një intelektual që vepron në botën e jashtme dhe që ka shëtitur pjesën dërmuese të globit.

Në mbështetje të nismës së Tashit dhe idesë së Agonit është lajmëruar donatori i cili dëshiron ta finansojë në tërësi projektin i cili kap shumën prej 1250 euro.

Edhe këtu kemi të bëjmë me një bashkëvendas i cili vepron në botën e jashtme.

Mensur Ibrahimi me prejardhje nga Tërnoci është deklaruar i gatshëm ta përkrah materialisht realizimin e punimeve rreth simbolit në fjalë.

Nismëtari i këtij projekti, Nagip Tashi, ka shprehur falenderime si për përkrahësin finansiar Mensur Ibrahimin, ashtu edhe për ideatorin e dukjes së simbolit, Agon Ademin.

Në fund do t’i takojë autoriteteve lokale se ku do të vendoset ky simbol.