Bujanoci do të lidhet edhe me një autostradë ?

Ministrja serbe e Infrastrukturës, Zorana Mihajloviq, ka paralajmëruar mundësinë e ndërtimit të autostradës Bujanoc- Gjilan- Ferizaj- Shtërpcë.
Ajo ka thënë se kjo autostradë mund të ndërtohet me mjetet amerikane si rrjedhojë e marrëveshjes ekonomike në Shtëpinë e Bardhë.
Këto komente Mihajloviq i bëri gjatë qëndrimit në Vranjë duke shtuar se ky është një rast i mirë që duhet shfrytëzuar, thuhet ndër të tjera në kumtesën e Ministrisë së Infrastrukturës, transmeton FOLonline.
Ndryshe kjo autostradë do të kishte një gjatësi prej 100 kilometrash.