Gent Cakaj vizitë treditore në Luginë

Foto: wikipedia

Ministri në detyrë për Evropën dhe Punët e Jashtme i Republikës së Shqipërisë, Gent Cakaj, gjatë kësaj jave për tre ditë rresht do të qëndrojë në Luginë, shkruan FOLonline.
Në Agjendën e zbardhur nga Këshilli Kombëtar Shqiptar bëhet e ditur se diplomati shqiptar vizitën do ta nis ditën e mërkurë në Preshevë ku do të takojë liderët politik, nënshkrues të Marrëveshjes për pjesëmarrje në zgjedhjet parlamentare me Listën „ Alternativa Demokratike Shqiptare- Lugina e Bashkuar „.
Në Preshevë, ministri Cakaj do të ketë takim edhe me kryetarin e komunës, Shqiprim Arifi, do t’ i bëjë vizitë Shkollës së Mesme, „ Skënderbeu „, parkut industrial si dhe do të bashkëbisedojë me qytetarët.
Ditën e dytë të vizitës, Cakaj i’a ka kushtuar Bujanocit.
Mëngjesin do ta fillojë me një takim pune me kryetarin e komunës, Shaip Kamberi, për të vazhduar me atë të KKSH-së, Ragmi Mustafa.
Poashtu, ministri do të vizitoj Sh.M.“ Sezai Surroi „, Degën e fakultetit ekonomik, zyren ndërlidhëse të OSBE-së, etj.
Në ditën e tretë dhe të fundit, ministri Cakaj ka paraparë të qëndrojë në Medvegjë.
Aty do të takojë këshilltarët shqiptarë, do të vizitojë shkollën fillore si dhe fabrikën prodhuese të afaristit Muharrem Salihu.