Rexhepi pjesëmarrës në homazhe

Kryetari i Këshillit Kombëtar Shqiptar, Enkel Rexhepi, ka marrë pjesë në homazhet e organizuara pranë varrit të dëshmorit Qenan Rahimi në Bushtran, me rastin e 25-vjetorit të rënies së tij.

Me nderim institucional dhe përulësi, Rexhepi theksoi se sakrifica e dëshmorit për lirinë dhe dinjitetin kombëtar mbetet frymëzim dhe obligim i përhershëm për institucionet dhe shoqërinë shqiptare.

“Lavdi e përjetshme dëshmorit Qenan Rahimi”, ka shkruar ai.