Larg shiut të Bujanocit: Ramadani dhe Musliu në Ulqinin me diell, shkas takimi i komunave shqiptare

Dy nga tre figurat qendrore të pushtetit lokal të Bujanocit, zv/ kryetari i komunës, Shqiprim Musliu dhe kryetari i Kuvendit komunal, Enver Ramadani, po marrin pjesë në Ulqin të Malit të Zi, në kuadër të takimit të Unionit të komunave dhe bashkive shqiptare në rajon.

Në këtë event, pjesëmarrës janë edhe shefat e kabinetit të kryetarit të Bujanocit, Sali Salihi dhe atij të Preshevës, Visar Memeti.

“Bashkëpunimi me Komunat mbarëshqiptare  i domosdoshëm dhe i patjetërsueshëm”, ka shkruar në Facebook kryekuvendari Ramadani.

„Bashkë diskutuam dhe ndamë përvojat tona mbi turizmin dhe sfidat që kanë komunat tona për një turizëm të qëndrueshëm“, ka shkruar zv/kryetari Musliu.