Mustafi në takim tek zv/kryeministri i Kosovës

Kryetari i Këshillit Kombëtar Shqiptar, Ragmi Mustafi, është takuar sot në Prishtinë me zv/ kryeministrin kosovar, Besnik Bislimi.

Pas takimit, Mustafi ka publikuar këtë njoftim në Facebook:

Në vazhdën e komunikimit të rregullt e të vazhdueshëm me Qeverinë e Republikës së Kosovës🇽🇰, sot takova Zëvendëskryeministrin e parë për Integrime Evropiane, Zhvillim dhe Dialog, z.Besnik Bislimin!🤝

Koordinimi dhe bashkërendimi në veprim në mes të Këshillit Kombëtar Shqiptar dhe Qeverisë së Republikës së Kosovës për përmirësimin e pozitës së shqiptarëve në Luginë të Preshevës është i domosdoshëm!

Platforma e masave urgjente për afirmimin e drejtave të shqiptarëve në Luginë të Preshevës (Plani 7 pikësh) dhe mekanizmat për qasje strategjike e programatike në realizimin e mjeteve buxhetore nga Republika e Kosovës ishin kryetema e bashkëbisedimit.☝️

Falënderova edhe njëherë z.Bislimi për angazhimin e tij dhe Qeverisë Kurti II!🙏
#Bashkë që të avancojmë pozitën e shqiptarëve në Luginë ❤️