Gjelbrim Halili ka zyrtarizuar kandidaturën e tij për deputet në zgjedhjet parlamentare të 7 qershorit në Kosovë, duke garuar në listën e Aleancës
Gjelbrim Halili ka zyrtarizuar kandidaturën e tij për deputet në zgjedhjet parlamentare të 7 qershorit në Kosovë, duke garuar në listën e Aleancës për Ardhmërinë e Kosovës (AAK) me numrin 94.
Në një postim publik, Halili ka deklaruar se kandidimi i tij “nuk është politikë e zakonshme”, por vazhdim i misionit të tij kombëtar dhe qytetar. Ai ka theksuar të kaluarën e tij si pjesë e luftës për liri, duke thënë se dikur kishte zgjedhur “rrugën më të vështirë”, atë të sakrificës për atdheun.
Kandidati nga Lugina e Preshevës ka ngritur shqetësimet për pozitën e shqiptarëve në këtë rajon, duke përmendur diskriminimin, mungesën e kushteve në arsim e shëndetësi, si dhe largimin e të rinjve për shkak të mungesës së perspektivës.
Halili është zotuar se do të jetë “zë i Luginës në Kuvendin e Kosovës”, duke premtuar përfaqësim të denjë për shqiptarët e Preshevës, Bujanocit dhe Medvegjës.
“Lugina nuk duhet të kujtohet vetëm në fjalime patriotike e të harrohet në vendime shtetërore”, ka shkruar ai ndër të tjera, duke kërkuar mbështetje për numrin 94 në zgjedhjet e 7 qershorit.
COMMENTS