Arifi: Përulemi me mirënjohje para çdo punëtori

Kryetari i komunës së Preshevës, Shqiprim Arifi, lidhur me Ditën Ndërkombëtare të Punëtorëve është shprehur se”1 Maji na kujton angazhimin e lëvizjeve sindikale si dhe vështrimin ekonomik-social të punëtorëve”.

“Përgjithësisht, i referohet kujtimit të protestave të punëtorëve që synonin të drejta për punë, pagë, siguri e perspektivë.

1 Maji, është i të gjithë atyre që jetojnë përmes punës së ndershme, pavarësisht që mbi supe mbajnë peshën e padrejtësive të panumërta.

Përulemi me mirënjohje, përpara çdo punëtori që me kontributin e vet, me gjurmët e punës që lë në të sotmen, guxon për të ndryshuar të nesërmen.”, ka shkruar Arifi në Facebook.