Sanohen dy defekte në rrjetin e ujësjellësit në Tërnoc

Ndërmarrja Publike “Komunalia” ka njoftuar se janë sanuar me sukses dy defekte në rrjetin e ujësjellësit në Tërnoc.

Sipas njoftimit, ekipet e kësaj ndërmarrjeje kanë intervenuar me shpejtësi dhe kanë arritur t’i riparojnë të dy havaritë brenda vetëm tre orëve.

Pas përfundimit të punimeve, furnizimi me ujë është rikthyer në gjendje normale.

Nga NP “Komunalia” kanë falënderuar qytetarët për mirëkuptimin gjatë kohës së intervenimit.