Mitroviq me Demo Berishën inicojnë takim për pazivizimin, PVD: Nuk pranojmë metoda tinzare pa të zgjedhurit tanë

Trupi Kordinues i Qeverisë së Serbisë ka njoftuar sot se si rezultat i një takimi dhe iniciative të u.d.të drejtorit të kësaj instance, Nenad Mitroviq dhe këshilltarit të posaçëm të Ministrisë për Pakica dhe Dialog Shoqëror, Demo Berisha, do të inicohet një takim i palëve të interesuara për zgjidhjen e problemit të pasivizimit në Preshevë, Bujanoc dhe Medvegjë.

„Në takim u ra dakord që në periudhën e ardhshme të mbahet një takim i përbashkët i të gjithë të interesuarve dhe përgjegjësve për zgjidhjen e kësaj çështje, përfaqësuesve të Shërbimit të Trupit Koordinues të Qeverisë së Republikës së Serbisë për komunat e Preshevës, Bujanocit. dhe Medvegja, Ministria e të Drejtave të Njeriut dhe Pakicave dhe Dialogut Social dhe Këshilli Kombëtar i Pakicave Kombëtare Shqiptare.  Në takim do të ftohen edhe përfaqësues të Ministrisë së Punëve të Brendshme dhe asaj të Drejtësisë.

Qëllimi i takimit të përbashkët është të gjendet zgjidhja më e mirë dhe më efektive, në përputhje me rregulloret ligjore pozitive, duke pasur parasysh parimet e respektimit të të drejtave të njeriut dhe të pakicave”, thuhet në njoftimin e Trupit Kordinues.

Ndaj kësaj iniciative, i menjëhershëm ka qenë reagimi i Partisë për Veprim Demokratik-PVD.

Në këtë subjekt politik thonë se nuk mund të dialogohet për pasivizimin e adresave, e veçmas jo me shqiptarë të ndershëm, siç është Demo Berisha.

Kumtesa e PVD-së

Këmbanat bien për kend ka veshë

Me metodat e veprimit politik tinzar, drejtori i Shërbimit të trupit koordinues, Nenad Mitroviq, po tenton me institucionalizu politikën e Sllobodan Millosheviqit sipas së cilës “problemet i zgjidhim me shqiptarët e ndëgjueshëm” që dmth me shqiptarët e ndershëm.

Duke anashkaluar të gjithë të përzgjedhurit e shqiptarëve Mitroviq paska nisur “zgjidhjen e çështjes së pasivizimit” pikërisht me një “shqiptar të ndershëm” siç është Demo Berisha.

Bashkepunimi Mitroviq – Berisha ka për qëllim eliminimin e përfshirjes ndërkombëtare në çështjet që kërkojnë zgjidhje urgjente për shqiptarët. Në të njejtën kohë, binomi Mitroviq – Berisha po tentojnë të eliminojnë përfaqësuesit e zgjedhur shqiptarë duke u munduar që problemet me të cilat ballafaqohen shqiptarët t’i shndrrojnë në probleme teknike dhe jo politike.

Prandaj këtë takim Mitroviq- Berisha spektri politik shqiptar duhet kuptuar si këmbanë alarmi për veprim të përbashkët politik.

Problemi i pasivizimit është produkt i politikës që përfaqësojnë edhe Mitroviqi edhe Berisha. Vetëm se edhe njëri edhe tjetri janë politikisht të dobët për të zgjidhur një problem të komplikuar e me tendenca të spastrimit etnik të shqiptarëve si puna e pasivizimit.

Pasivizimin duhet ta ndalojnë ata që e kanë nisur.

Mitroviq e Berisha, me aktivizimin e tyre, tentojnë të blejnë kohë përderisa Ministria e brendshme po vazhdon me aplikimin e pasivizimit selektiv.

Pasivizimi do zgjidhje të menjëhershme e jo dialogim. Shqiptarët dojnë barazi e jo nënshtrim.