Mungesa e ashensorit problem për PAK në shtëpinë e shëndetit në Bujanoc

Në shtëpinë e shëndetit në Bujanoc, personat me aftësi të kufizuar kanë vështirësi të qasen në katin e dytë të ndërtesës për shkak të mungesës së ashensorit.

Në këtë kat funksionojnë reparti i gjinekologjisë, stomatologjisë, ORL dhe që është shumë me rëndësi laboratori për analizat e gjakut.

Andaj, personat e tillë e kanë shumë të vështirë që pa shoqërues të kryejnë shërbimet adekuate.

E vetmja mënyrë që personat e këtillë të ngjiten në katet e sipërme të ndërtesës është përmes kalimeve të karrocave që janë të vendosura pranë shkallëve kryesore.

Ky tekst nuk paraqet qëndrimin e Ministrisë së Kulturës dhe Informimit të Republikës së Serbisë.